Президент Каримов ўзига ворис танладими?
Мухолифатдаги Ўзбекистон Халқ Ҳаракати раиси Муҳаммад Солиҳ томонидан интернетда тарқатилган мақолага кўра, Президент "Каримов режими қулаш арафасида турибди".
"Қулаш олдидан" сарлавҳали мақолада, шунингдек, Ўзбекистонда ҳокимият учун кураш охирги вақтларда "кланлар" ўртасида жадаллашгани даъво қилинган.
Ўзбекистондаги манзара, мамлакат ичкарисдан қаралса ҳам, Муҳаммад Солиҳ мақоласида тасвирланган кўринишдами?
Даъво қилинаётган кланлар орасида курашнинг жадаллашгани қанчалар сезилмоқда?
Ўзбекистонлик сиёсий шарҳловчи Фарҳод Толиповнинг Би-би-си билан суҳбатда айтишича, мамлакат ичкарисида сиёсий танглик ё-да кескинлик ошгани аломатлари йўқ.
"Ўзбекистонда кланлар орасида кураш мавжудлиги кўпдан бери маълум, лекин айнан ҳозирда жиддий шаклда кураш кетаётгани кузатилмаяпти", - дейди шарҳловчи.
Фарҳод Толиповга кўра, охирги вақтларда қатор юқори лавозимли расмий шахсларнинг вазифаларидан бўшатилиб, баъзида эса қамоқ жазосига ҳукм қилинишларини бу каби курашнинг далили сифатида жўн талқин этиш керак эмас.
Унинг айтишича, Ўзбекистонда сиёсий-ижтимоий жараён одатдагидек давом этмоқда.
"Лекин, албатта, бу юзаки кўриниш бўлиши мумкин ва агарда чуқурроқ таҳлил этиладиган бўлса, балким вазиятнинг бошқа ўлчамлари намоён бўлиши эҳтимоли ҳам йўқ эмас," - дейди у.
Сиёсатшунос Фарҳод Толиповнинг айтишича, Ўзбекистон ўзига хос мамлакат, унинг сиёсий ва иқтисодий тизими анчайин мураккаб.
"Шунинг учун Ўзбекистондаги жараёнлар содда талқинларга сиғмайди," - дейди сиёсатшунос.
Туркистон..: Каримов ўзига ворис танлаши мумкин бўлган вақт ва шароитларни қўлдан бой берди.
Эндиги у танлаши мумкин бўлган ворисни, мавжуд кланлар ҳам, ўзбек халқи ҳам қабул қилиши жуда қийин.
Мухаммад. Солихни гапларида жон бор, Каримовнинг режимига қулаш навбати аллақачон келган. Маълум сабабларга кўра уни муддати чўзиб келинмоқда.
Туркистон.
