АҚШ, Қобул ва толиблар махфий сўзлашувлар олиб бормоқда.

Туркистон: АҚШ ва Қобул «Толибон» радикал исломий харакатининг рахбарлари билан махфий сўзлашувлар олиб бораётганини Афғонистон президенти Хомид Карзай тасдиқлади. «АҚШ идораси ва «Толибон» ўртасида учрашувлар бўлган, шунингдек, учрашувлар афғон раҳбарияти ва «Толибон» ўртасида ҳам бўлиб ўтган», - деб баёнот берган у Wall Street Journal рўзномасига. Шунингдек учала тараф вакиллари учинчи ўлкада ҳам махфий учрашиб турганлиги ҳақида қўшимча қилди Карзай.
Афғон раҳбари, толибларнинг аксарияти тинчлик тарафдори эканлиги ҳақида фикр билдирди. «Афғон халқи, шу жумладан толиблар ҳам, тинчликни хохлайди. Менинг айтгим келаяптики : Ха, улар ҳам тинчликни хохлайди. Улар ҳам афғон халқига изтиробни истамайди»,- баён қилди Карзай. Бошланган мазкур сўзлашувларга путур етиб қолишлигини хохламаслиги боис, Афғонистон президенти сўзлашувлар ҳақида ҳар қандай тафсилотлар беришликдан бош тортди.
Аввалроқ, Қобулдаги ҳукумат Вашингтон билан толиблар ўртасидаги сепаратик сўзлашувларга қарши этироз билдирган эди. Американинг Афғонистондаги махсус вакили Марк Гроссман январ ойи охирида «Толибон» вакиллари билан Қатарда учрашганлиги ва бу сўзлашувлар натижаси борасида Карзайни Италияда учрашув чоғида хабардор қилганлиги ҳақида АҚШ бир хафта олдин маълум қилган.Расман толиблар АҚШнинг қўғирчоғи деб хисоблаган афғон ҳукумати билан хар қандай сўзлашувларни рад қилмоқда,- эслатиб ўтади dpa агентлиги.