Америка учоқ ташувчи кемасининг Форс кўрфазида мавжуд бўлиб туришлиги оддий ҳолдир, деб санайди Эрон.

Туркистон:
Ислом инқилоби Посбонлари Корпусининг номоёндаси 21 январ куни, АҚШ ҳарбий кемаларининг Форс кўрфазида мавжуд бўлиб туришлигида ҳеч қандай ғойри оддий хол йўқдир, деб баёнот берди. Корпус қўмондони ўринбосари Ҳусайн Саломининг сўзларини Reuters келтиради. 
«Америка кемалари ва қуролли кучлари Форс кўрфазида ҳамда Яқин Шарқда кўп йиллардан бери мавжуддир. Пентагоннинг ҳудудга янги кема жўнатиш қарорида ҳеч қандай ғойри оддий нарса йўқ. Бу нарсани АҚШнинг ҳудудда доимий туришлик режасидан деб бахолашлик лозим», - деб баёнот берди Саломи.
Бу сўзлар, Эроннинг америка ҳарбий кемалари ҳаракатларига нисбатан кўрсатган аввалги муносабатидан тубдан фарқ қилади. 2011 йил декабр ойида американинг «Джон Стеннис» учоқ ташувчи кемаси Уммон денгизи сувларини тарк қилганидан сўнг Техрон Вашингтонга, агар Форс кўрфазига бошқа кема келадиган бўлса яраша жавоб қайтаришлик билан таҳдид қилди. Вахолангки, шундан кейиноқ Уммон денгизи сувларига американинг «Авраам Линколн» учоқ ташувчи кемаси кириб келди.
АҚШ, ҳар доимгидай, бир учоқ ташувчи кемани Форс кўрфазида, иккинчисини эса – Уммон денгизи шимолида ушлаб туришлик ниятида эканлиги ҳақида Пентагон раҳбари Леон Панетта баёнот берган эди. 
Декабр ойида Эрон, агар Ғарб давлатлари янги жазо чоралари билан Эрон нефтининг сотилишлигини чеклаб қўядиган бўлса, оламдаги сотилаётган нефтнинг 40 фоизи ўтиб турган Хормуз бўғозини тўсиб қўйишлик билан таҳдид қилган эди. Бунга жавобан АҚШ, кемалар ҳаракатига тўсқинлик қилинишлигига йўл қўймаслиги ҳақида баёнот берган.
Шундан кегин, АКШ харбий кемалари куни кеча Хормуз бугозидан саф тортиб утишлари, Эронни навбатдаги нокулай ахволга солиб куйди.
Эронни Европани қўрқитмокчи бўлиб бераётган баёнотлари, АҚШни шу минтақаларда уларни Эрондан қўриқлаш бахонаси билан, фақат таъсир қувватини кучайтиришга хизмат қилмокда. Негаки Эронни АҚШга қарши харбий харакатлар бошлаб юбориши эхтимолдан узоқ бўлса керак.

Туркистон.