 Араб Лигаси кузатувчилари Сурияда текширувлар бошлади
Танклар Ҳомсни тарк этаётгани хабар қилинади
Араб Лигасининг 50 нафардан иборат кузатувчилар гуруҳи Сурияда бир неча ойдан бери давом этиб келаётган зўравонликларга барҳам беришга қаратилган минтақавий режа қанчалар амалга тадбиқ қилаётганини текширишни бошлаган.
Ҳайъат раҳбари нотинч Ҳомс шаҳрига йўл олгани хабар қилинади. Сурия фаолларига кўра, хавфсизлик кучлари душанба куни 30 инсон ўлдиришган.
Дамашқдаги портлашлар ўттиздан зиёд инсоннинг умрига зомин бўлган
Сурия қирғини : Мухолифат БМТ хавфсизлик кенгашини жиддий ҳаракат қилишга чақирмоқда
Сурия: ўтган икки кун ичида "деярли 200 инсон нобуд бўлган"
Алоқадор мавзулар
Яқин Шарқ, БМТ
Уларнинг айтишларича, сешанба куни Ҳомсдан танклар олиб чиқиб кетила бошланган.
БМТ ҳисоб-китобларига кўра, аксилҳукумат намойишларни бостириш жараёнида 5, 000дан ортиқ инсон ҳалок этилган.
Президент Башар ал Асадга қарши қўзғолонлар март ойидан бошланган эди. Бунга араб дунёсида кузатилган норозилик намойишлари туртки берганди.
Сурия ҳукумати қуролланган тўдаларга қарши жанг қилаётгани ва бу жараёнда юзлаб аскарлари ҳам нобуд бўлганини айтади.
Талофатларга оид рақамларни тасдиқлаш мушкул, чунки аксар хорижий матбуот ходимларининг Сурияда фаолият олиб боришлари тақиқланган.
'Танклар Ҳомсни тарк этмоқда'
Суриялик фаоллар душанба кунги зўравонликлардан сўнг зирҳли машиналар Ҳомснинг Бобо Амр туманидан олиб чиқиб кетилаётгани ҳақида хабар беришган.
Лондонда жойлашган Сурия Инсон ҳуқуқларини кузатиш марказининг матбуотга айтишича, сешанбда куни тонгда туманни 11та танк тарк этган.
Ассошиэйтед Пресс ва Рейтерс ахборот агентликларининг маҳаллий фаоллардан бири Муҳаммад Солиҳга иқтибосан хабар қилишича, у тумандан 6та танк чиқиб кетаётганини кўрган.
Бобо Амр ва Ҳомснинг бошқа қисмлари душанба куни оғир қуроллардан нишонга олинган. Маҳаллий аҳолига кўра, кўплаб бинолар вайрон этилган ва ҳукумат кучлари омон қолганларни қидириш ишларини қарийб имконсиз қолдиришган.
Бобо Амрга қарши қақшатқич ҳарбий амалиётларни тасвирланган график видео интернетда қўйилган. Унда 4 эркакнинг қонга беланган жасадлари бир аёлнинг халқаро ҳамжамиятдан кўмак сўраб додлаётгани акс этган.
Сурия Инсон ҳуқуқларини кузатиш марказининг айтишича, душанба куни Бобо Амрда 18 киши, Ҳомснинг бошқа қисмларида 11 инсон ўлдирилган.
Сайфуллох: Сурия муаммоси, АҚШ, Россия ва Эрон давлатлари ўрталарида, уларни қандайдир принципиал масалаларига айланиб бормоқда.
Россияни у минтақага ўнлаган харбий кемаларини олиб бориб қўйганлиги, Эронни эса Сурия масаласини ўзи учун сал кам хаётий масаласига айлантириб олиб, хам махфий хам ошкора уни хокимиятига қотилликларига қўллов кўрсатаётганлиги, АҚШни Сурияга нисбатан хар томонлама босимларини янада кучайтиришига сабаб бўлмоқда.
АҚШни хозирги халқаро сиёсатдаги вазнида, жиддийроқ киришишлик билан Асадни режимини ағдариб ташлаши катта муаммо эмас. Хатто шунинг билан у Эронни айниқса Россияни чегарага олиб келиб қўйган харбий қувватини хеч нарса қилолмай бир чекага қиммат холатга олиб келиб қўйиши мумкин.
Лекин бунинг учун АҚШни бу минтақада ўзига қарашли сиёсий доираси бўлиши, ёки уни пайдо қилиб олиши лозим. Хозир бунақанги демократик сиёсий элиталар халқ қўзғалонини бошқарув тизгинини ушлаб қола олмадилар, тўғрироғи халқ уларни хаммасига ишончсизлик билдириб, салтанатни уларни хаммаларидан тортиб олмоқда.
АҚШ учун хозирда Асадни ағдариб ташлашда сиёсий манфаатлар пайдо бўлиб қолганлигидан, у олиб кирадиган халқаро кузатувчилар, асосий эътиборларини АҚШпараст мухолифотларни топиб, уларни қўзғалон етакчиларига айлантиришга қаттиқ харакат қиладилар. АҚШ у ерда сиёсий бўшлиқ пайдо қилиб қўйишдан қўрқади. Негаки Сурияда исломий сиёсий қувват ўта кучли, балки хозирда халқ тан олган ягона сиёсий хақиқий қувват деса хам бўлади.
Туркистон.
|
