Бабанов: Қирғизистон Божхона иттифоқига қўшилишга тайёр эмас Қирғизистоннинг амалдаги бош вазири Ўмурбек Бабанов ўз мамлакати 2012 йилнинг 1 январидан МДҲ Божхона иттифоқига қўшилишга тайёр эмас, деб баёнот берди.
Жаноб Бабановга кўра, Қирғизистон Иқтисод вазири бошлиқ делегация ҳозир бу борада иш олиб бормоқда ва мазкур делегация Қирғизистон келаси йил бошидан Божхона иттифоқига қўшила олмайди деган, хулосага келган.
Аввалроқ, мамлакатдаги сиёсий етакчилар Қирғизистон МДҲ Божхона Иттифоқига аъзо бўлиши керак, деган баёнотларни беришган эди.
Россия бош вазири Владимир Путиннинг янги иттифоқ ғояси ҳозирда амалда бўлган Россия, Беларус ва Қозоғистон ўртасидаги Божхона иттифоқига Қирғизистон ва Тожикистоннинг ҳам аъзо бўлиб киришини назарда тутади.
Бабановга кўра, агар Қирғизистон Божхона иттифоқига аъзо бўлгудай бўлса мамлакат жанубидаги бозорларда тирикчилик қилаётган минглаб савдогарлар ишсиз қолиши мумкинлигини ҳам қўшимча қилган.
Расмий Тошкент Путиннинг янги иттифоқ ғоясига ҳозирга қадар ҳеч қандай муносабат билдирмаган.
Сайфуллох: Россия советлар иттифоқидан унга мерос қолдирилган уни таъсири остида бўлиши лозим бўлган худудларни, имконияти борича қўлда ушлаб қолишга қаттиқ уринмоқда. Лекин хозирги уни иқтисодий холатида, хатто ўзини ички бозорини ўзи тўла таъминлай олмаётган бир пайтда, божхона иттифоқига аъзо давлатларни товарларга бўлган эхтиёжларини тўла қондира олиши мумкин эмас. Уни мақсади эса, ўша худудларни ташқи таъминотини назоратга олиши ва маълум миқдорда изоляция қилиш орқали, Россия ўзи учун у бозорларни унга мажбур очилишидан умид қилмокда. Албатта у давлатларни иттифоққа қўшиб олиши стротегик томондан уни ўша минтақаларда анча кучайтиради. Лекин у ерлардаги иттифоққа қўшилиши оқибатидаги албатта руй берадиган сезиларли даражадаги қимматчилик оқибатларини хам қандайдир йўллар билан тўғрилаш лозим. Россияни иқтисодий системаси хозирда бунга мутлақо қодир эмас. Қирғиз республикаси сингари ўта қашшоқ давлат учун ва уни халқини бу даражадаги паст яшаш тарзида, унинг учун божхона иттифоқига қўшилиш ўта халокатли оқибатларга олиб келиши мумкин. Қирғиз хукуматини бу қарорга келиши эса менимча ўз халқини ўйлаганидан эмас, балки Россияни бу хукуматни тахтда қолишига унчалик катта эътибор қаратмаганига бориб тақалади. Аниқроғи булар учун сайловга хеч қандай моддий қўллов ажратмаётгани сабаб бўлиб турибди.
Туркистон.
|