 --Эрон теварагидаги кескинлик чоғида Исроил Туркманистон билан яқинлашишмоқда.
Исроил ички ишлар вазирлигининг халқаро ташкилотлар билан алоқалар бўлими бош мудири Пинхас Авиви бошчилигидаги ҳайъати Туркманистон пойтахти Ашхабадда қатор музокаралар ўтказди, билдиради РИА Новости.
Исроилликлар сешанба куни туркман межлисида (парламентида), ташқи ишлар вазирлигида, савдо ва ташқи иқтисодий алоқалар вазирлигида, қишлоқ хўжалик вазирлигида, «Туркмангаз» давлат концернида, шунингдек Туркманистон ташқи ишлар вазирлигининг халқаро алоқалар Институтида қабул қилинганлар.
Томонлар кўп қиррали ҳамкорликни узоқ муддатлилик асосида ривожлантириш борасида, парламентлараро мустаҳкам алоқаларни ўрнатишлик борасида ва икки давлат ташқи сиёсий ишлар идоралари ҳамкорлиги борасида сўзладилар, - маълум қилади маҳаллий матбуот тармоқлари.
Туркманистон ўзининг ташқи сиёсатидаги асосий тамоилларидан бири – қўшни давлатлар билан ҳамкорликни ривожлантиришга содиқ қолмоқда. Эронга нисбатан халқаро чоралар қўлланилганига қарамай, туркман-эрон ҳамкорлиги тоборо ривожланиб бормоқда. Эрон Туркманистоннинг савдо соҳасидаги йирик ҳамкорларидан бири хисобланади. Икки газ тармоғи орқали Эронга узатилаётган газнинг йиллик миқдори 16 миллиард кубометрни ташкил қилади. Томонлар келажакда бу миқдорни 20 миллиардга кўтаришлик ниятида.
Бундан ташқари, Туркманистон ва Эрон Шимол-Жануб халқаро транспорт тармоғини барпо қилишликда қатнашмоқда (Қозоғистон – Туркманистон – Эрон темир йўли қурилиши). Мутахассисларнинг айтишича, бу йўл қурилиб битиб, Россия темир йўл тармоғига улангач, Европа ва Форс кўрфази давлатлари ўртасида қулай темир йўл транспорти қатнови очилади.
Туркистон.
|
