Францияда исломчиларни хибсга олиш амалиётлари бўлиб ўтди.

Туркистон:
ITAR-TASS хабарига кўра, чоршанба куни эрталаб Франциянинг бир қатор шахарларида исломчиларни хибсга олиш амалиётлари бўлиб ўтди. Ҳуқуқ химоя қилиш органлари тарафидан ўтказилган бу амалиётда қонунга хилоф фаолиятга алоқадор деб гумон қилинган ўн киши қўлга олинди. Полиция маҳкамаси мазкур чораларнинг тулузалик террорист Муҳаммад Мернинг ишига ҳеч қанақанги алоқаси йўқлигини белгилаб ўтди.
Хибсга олишлар Франциянинг жанубида, хусусан, Валанс, Карпантра, Марсел, По шахарларида амалга оширилди. Бундан ташқари алохида амалиёт мамлакатнинг энг шимолида, Белгия чегарасига яқин жойдаги Руба шахрида ўтказилди.
Бир хафтадан озроқ вақт аввал франция полицияси мамлакат ички хавфсизлик марказий Бошқармаси ҳамкорлигида бошқа, биринчи навбатда "Фурсан ал-Изза" салафий радикал ташкилотига қарши яна бир миқёсли амалиёт ўтказган эди. Ўшанда мамлакатнинг турли шахарларида, асосан жанубда, 17 киши, шу жумладан ташкилот етакчиси Муҳаммад Ашамлон қўлга олинган. Улардан 13 киши яқин вақтда тадқиқ остига олинишлиги ҳақида сешанба куни Париж прокурори баёнот берди. Бир вақтнинг ўзида у "Фурсан ал-Изза"га қарши амалиёт Мернинг ишига ҳеч қандай алоқаси йўқлиги ва бу ташкилотга нисбатан тадқиқот ишлари ўтган йилнинг кузида бошланганлигини такидлади.