 Қирғиз парламенти спикери масаласи кўрилади
Жўғўрқу Кенеш спикери А. Келдибеков жиноят оламига алоқадорликда айбланмоқда
Бугун Қирғизистон парламенти – Жўғўрқу Кенешда спикер Акматбек Келдибековга ишончсизлик билдириш масаласи кўриб чиқилади.
Парламентнинг "Ата Мекен” фракцияси 30-ноябрдаги мажлисида "Келдибеков жиноят олами билан алоқада”, "У давлат амалдори этикасини бузди” каби 15 банддан иборат ўз хулосаларини чиқарган эди.
"Ата Мекен” фракциясини бу масалада Социал-демократлар ҳам қўллаб-қуватлаган.
Акматбек Келдибеков ўзига қўйилаётган айбловларни инкор этмоқда.
Кеча Ўшда Келдибеков тарафдорлари вилоят давлат маъмурияти биноси олдида митинг ўтказди. Келдибековни спикерлик лавозимида қолдириш талаби илгари сурилган акцияда, хабарларга қараганда, 400 киши иштирок этди.
САЙФУЛЛОХ: Атамбаев бошчилик қилаётган етакчи гурух олдида фақат икки йўл қолмоқда:
1) Худди Бакиев сингари ўзига ёрдам берган революцион сафдошларини сотиш ва шунинг билан, мавжуд сиёсий доира билан биргаликда куч структураларини кучайтириб авторитар режимни ўрнатиб олишга харакат қилиш.
Бу ишни Қирғизистон бўйлаб амалга оширишга, хозирда шаклланиб қолган миллатчилик рухидаги сиёсий элитани ёрдамига суяниб амалга ошириб бўлмайди. Негаки бу сиёсий элита, ўш воқеаларида жунбушга келган вақтинчалик эмоциялардан фойдаланиб сиёсий қувватга айланиб олишган эди.
Эндиликда Қирғиз халқини миллатчиликка бўлган муносабатлари совуқлашиб борган сари, уларнинг сиёсий мавқейлари хам заифлашиб бораверади.
2) Бакиев режимини қувиб солиш жараёнида шаклланган сиёсий доира. Яъни Атанбоевни ана шу йўлдаги сафдошлари қувватларига суяниш.
Атанбоев эртами кеч, шу йўлни тутишга мажбур эди. Негаки юқоридагиларга қарши тура оладиган булардан бошқа қувватни ўзи йўқ.
Лекин бу гурух кескин харакатларга эртароқ ўтиб боришаётмаганмикин деган хавотирлар бор.
Хукумат рахбарини сайлашда, парламентдаги етакчи фракция асосий рўл ўйнаганидан ва уни янгиланиши ўта мухим бўлиб қолганидан, Келдибековни четлатилинишидан ўзга чора йўқ эди. Лекин унга мос келгудай бошқа лавозим таклиф қила олишмаган кўринади, у қаттик қаршилик кўрсатишни бошлади.
Лекин бу миллатчи гурухни барча вакилларига хозирдан хужум бошлаб юборишлари, сиёсий хато бўлишини улар яхши билган холларида, ишни сайловда уларга хиёнат қилган Келдибековдан бошладилар.
Туркистон.
|
