 Ироқ вице-президенти қонли ҳужумларда бош вазирни айбламоқда
Ҳужумлар асосан шиалар яшовчи мавзеларни нишонга олди
Ироқ Вице-Президенти Тариқ ал-Ҳошимий мамлакатда тўсатдан зўравонликларнинг авж олишида Бош Вазир Нури ал-Маликийни айблаган.
Пайшанба куни Бағдодни титратган қатор портлашларда ўнлаб одамлар нобуд бўлди.
Алоқадор мавзулар
Дин, Яқин Шарқ
Террорчилик айбларига юз тутаётган Жаноб Ҳошимий жаноб Маликий "ватанпарвар сиёсатчиларни қувиб солган"дан кўра хавфсизликка диққат қаратиши кераклигини айтди.
Мазкур инқироз Ироқда мазҳабий зиддиятларнинг янги тўлқинини келтириб чиқариши борасида хавотирларни уйғотган.
Бош Вазир Маликий Ироқда аксариятни ташкил қилувчи шиа араблар жамоасига мансуб, жаноб Ҳошимий эса энг таниқли сунний сиёсатчилардан.
Жаноб Ҳошимий расмийлар ва хавфсизлик кучларига қарши террор ҳужумларини уюштиришда айбланади, бироқ унинг ўзи бу айбларни рад этган. Мазкур айбловларга жавобан, Ироқдаги энг асосий сунний сиёсий блок ал-Ирақия парламент ва вазирлар маҳкамасини бойкот қилмоқда. Бу эса атиги бир ёшга тўлган ҳукуматнинг келажагини шубҳа остига қўйган.
"Биз жаноб Маликийни айблашимиз керак, у миллий инқирозни бошлади ва буни энди бошқариш осон эмас", деди жаноб Ҳошимий Би-би-сининг араб хизматига.
"Ироқликларнинг хавотир олишга ҳаққи бор", дея қўшимча қилди у.
Аввалроқ жаноб Ҳошимий бош вазирнинг бошқарувини собиқ раҳбар Саддам Ҳусайнникига қиёслаган. АҚШнинг Foreign Policy журнали билан суҳбатда у "жаноб Маликий мамлакатни жуда ҳам ёмон ва қаттиққўл йўлда бошқаришга бел боғлаган", деб айтган.
Пайшанба кунги ҳужумлар охирги бир неча ой ичида Ироқнинг бошига тушган энг йирик фалокат бўлди. Ҳужумлар АҚШ қўшинлари тўққиз йиллик ишғолдан сўнг чиқиб кетишларидан бир неча кун ўтиб юз берди.
Бағдоднинг асосан шиалар яшовчи 16та турли нуқтасида йўлчети бомбалари портлар экан, камида 68 одам ҳалок бўлган ва 200га яқини жароҳатланган
Расмийлар нишонлар орасида мактаблар ва болалар боғчалари ҳам бўлганини билдиришди.
Сайфуллох: Ироқдаги ушбу терактлар, юқоридаги айтилгандан кўра каттароқ вахималироқ деса хам бўлади. Негаки бу Ироқни бир неча бўлакларга бўлиб юборишдан ташқари, бутун Ислом оламини суннийлар билан шиъалар ўрталаридаги таранг алоқаларни янада кескинлаштиришга қаратилган.
Бу эса Ислом оламидаги тоборо Исломийлашиб бораётган вазият, охир оқибати Халифалик давлатини тикланиши билан якун топишига хатто куфр олами сиёсатчиларида хам шубха қолмайдиган даражага етиб борганлигига далолат қилади.
Негаки улар ўша исломий давлат эълон қилиниш арафасида, ўз умидларини узган минтақаларга уруш ўтини сочиб чиқиб кетишни кўзламоқдалар.
Шунинг учун улар, миллатлараро, мазхаблараро хатто динлар аро муносабатларни кескинлаштиришга уринишаётганларига гувох бўлябмиз.
Туркистон.
|
