Исроилнинг Сурия хусусида боши қотган.
Туркистон:
Ваҳима, умид ва қувватсизликни ҳис қилиш – булар Сурияда рўй бераётган воқеаларга нисбатан Исроил раҳбарларининг қалбини қамраб олган туйғулар, деб хисоблайди The Financial Times. Масалан, Асад режими Исроилни курашга жалб қилишга уриниб кўриш эхтимоли хавфи, ёйинки, Сурия қурол-яроғининг бир қисми, шу жумладан ракеталар, кимёвий ва биологик қуроллар, Ливан ва бошқа мамлакатлардаги жангарилар қўлига тушиб қолиши эхтимоли хавфи мавжуд, изоҳлайди матбуот ходими Тобиас Бак.
Бироқ исроиллик сиёсатчиларда, Дамашқда режимнинг алмашишлиги, «Сурия мустабиди ўрнига ким келишидан қатъий назар, Исроил манфаатига бўлади» деган фикр тоборо кучайиб бормоқда, ёзади муъаллиф.
Асаднинг ҳокимликни қўлдан бой беришлиги, «бошқа муқобил сценарийлардан, ҳар қалай, афзалроқдир», дейди ўтмишда Сурия билан бўлган музокаралардаги Исроил делегациясининг раҳбари Итамар Рабинович. Қачонлардир исроилликлар хисоблар эдиларки: қандайдир янги, номалум омилдан кўра Асаднинг ўзи тузук. Лекин, кейин Сурия «Ҳизбуллоҳ»ни қувватлантираётганини англаб етишди, ҳамда бу мамлакатда ядро иншоатини пайқаб қолишди (уни 2007 йилда Исроил бомбардимон қилиб ташлади), изохлайди Рабинович.
Лекин муҳими шундаки, «Сурия – Эрон тарафидан дастакланаётган ва Исроилга қарши ҳаракат қилаётган жангарилар гуруҳлари пул, қурол ҳамда ҳарбий таълимотчилар билан таъминланаётган асосий тармоқдир», дейилади мақолада. Асад режимининг чўкиши «Эроннинг минтақадаги қўпорувчилик амалиётига қақшатқич зарба бўлади», деб хисоблайди Исроил ташқи ишлар вазирлиги раҳбари Либерман. «Сурияни «Эрон тянган қозиқ»дан чиқариб юборишлик Исроил манфаати учун фойдали қадам сифатида қабул қилинади», - якун ясайди муъаллиф.
Бироқ, юқорида изохланган умид ва ваҳималарга яна бир туйғу аралашади – минтақадаги ўзгаришлар қаршисида Исроилнинг қувватсизлигидан сезилаётан изтироб, белгилайди муъаллиф. Исроил аксар араб мамлакатларида салбий муносабатга эга, шунинг учун ҳам унинг ҳар қандай аралашуви хавфлидир, изоҳлади исмини айтмаган исроиллик дипломат.
Туркистон:
