Москва Сурия президенти Башар Асад ва унинг оила аъзоларига сиёсий бошпана беришликка ва шахсий хавфсизлигини таминлашга таййор: унга ворис танланди ва бу ишларнинг барчаси АҚШ билан келишиб олинди, деб маълум қилади NEWSru Israel "Маарив” рўзномасига асосланиб.
Нашриётга кўра, Сурия вице-президенти Фарук Аш-Шароанинг Россияга ташрифи чоғида унга Башар Асаднинг итеъфосидан сўнг унинг ўрнини эгаллашлик таклиф қилинган.
Бир неча кун аввал Сурия вице-президенти Фарук Аш-Шароа Москвани "махфий” зиёрат этди, деб ёзади рўзнома (бу маълумот нашриётга "ишончли икки яхуд манбайи” томонидан тасдиқланган). Аш-Шароанинг ташрифи ҳақида 16 декабр куни Россия ва исроил матбуот тармоқлари билдиришган, шу жумладан "Коль Исраэль" радиостанцияси ҳам. ИТАР-ТААС маълумотига кўра, мазкур сафар билан Россиянинг Осиё ва Африка халқлари ҳамжихатлиги ва ҳамкорлиги жамияти шуғулланган. Аш-Шароанинг ҳамсуҳбатларидан бири Россия ИИВ раҳбари Сергей Лавров бўлгани маълум эди. Лекин россия ва исроил матбуот тармоқлари билдирувларида фақат Аш-Шароанинг Москвада Суриядаги взиятни муҳокама қилишлиги айтилган халос, бошқа ҳеч қандай тафсилотлар маълум қилинмаган.
"Маарив” рўзномасининг шархловчиси Эли Барденштейн иддаосига кўра, Москва Фарук Аш-Шароага Башар Асаднинг "вақтинча вориси” бўлишликни таклиф қилган. Бу лавозимда у навбатдан ташқари парламент сайловларигача қолишлиги таҳмин қилинмоқда. Россиянинг бу танлови Аш-Шароа сурия сиёсатчиларининг улуғларидан бири эканлиги билан изохланади.
Москва ўзининг таклифи борасида АҚШ билан келишиб олди, деб даъво қилади рўзнома. Хусусан, Вашингтон Башар Асад ва унинг оиласига Россияда сиёсий бошпана берилишлигига рози.
Яхуд матбуот тармоқларига кўра, Россия ва АҚШ кўпдан бери Суриядаги вазиятни нормаллаштиришликка олиб келадиган кенг миқёсли амалиёт ҳақида мухокама қилиб келади. Бу амалиёт асносида Башар Асад салтанатни Вашингтон ва Москвани тўлиқ қаноатлантирадиган шахс ёки ҳайъатга ўз ихтиёри билан топширишлиги керак, шундан кейин у мамлакатни қаршиликсиз тарк этади.
Туркистон.
|
