Нетанягу Эронга ҳужум қилиш қарорини кейинроққа сурди.
Туркистон:
Исроилнинг бош вазири Бинямин Нетанягу АҚШ президенти Барак Обамага, Қуддус Эронга зарба бериш-бермаслик ҳақида якуний қарорга келганича йўқ, деб маълум қилди. Мазкур баёнотни исроил ҳукумати раҳбари 5 март куни Вашингтонда Обама билан бўлиб ўтган учрашувда берди, ёзади «Гаарец».
Учрашув чоғида Нетанягу, лекин Исроил келажакда ҳарбий сценарийни эхтимолдан холи қилмаслигини урғулади. Шунингдек Исроил бош вазири, унинг мамлакати ўзини ҳимоя қилиш ҳуқуқига эга эканлигини белгилаб кетди. Бу нарсани, кейинроқ, матбуот анжуманида Обама ҳам такрорлади.
Ўз навбатида АҚШ президенти суҳбатдошини Вашингтон ҳам Техронга қарши ҳарбий амалиётлар эҳтимолидан воз кечмаётганига, лекин айни вақтда дипломатик ечимлар тарафини эгаллб турганлигига ишонтирди.
Сўзлашувлар натижаларини изохлар экан, бош вазир учрашувдан мамнун эканлигини айтди. «Эрон масаласидаги мен тақдим қилган позиция Оқ уйда тўғри тушунилди», -- урғулади у.
Кейинроқ, душанба куни Нетанягу ижтимоий масалалар бўйича америка-исроил Қўмитаси (American Israel Public Affairs Committee, AIPAC) лоббичилари қаршисида сўзга чиқди, маълум қилади Reuters. Нутқи давомида ҳукумат раҳбари учрашув қатнашчиларини Эронга зарбани мумкин қадар тезроқ бериш кераклиги ҳақида ишонтирди.
Исроил телевидениеси Иккинчи каналига асосланиб Американинг The Algemeiner нашриёти берган маълумотига кўра, Қуддусда Техронга қарши амалиётлар бошлашлик қарори ўз тасдиқини топиб бўлган. Телевидение каналига бу ҳақда АҚШдаги исми қайд қилинмаган юқори лавозимли манбаъ хабар қилган.
Исроил Эронга зарба беришлик эхтимоли ҳақидаги миш- мишлар 2011 йил охирида, атом энергетикаси бўйича Халқаро агентликнинг хисоботи чоп этилгандан кейин пайдо бўлган. Хисоботда агентлик Техрон ядровий қурол ишлаб чиқариш устида иш олиб бораётганлигини тан олган. Исроилликларнинг фикрича, Эронга қилинган ҳужум унинг ҳарбий программасига чек қўйишликнинг ягона чорасидир.
АҚШ эса, аксинча, дипломатик ечим тарафдори. Лекин Исроил, мутаҳассисларнинг фикрича, техник қуввати етишмаслигидан АҚШ кўмагисиз ҳарбий амалиётларга кириша олмайди.
Келишмовчиликлар Қуддус ва Вашингтон ўртасидаги муносабатларнинг совуқлашишига сабаб бўлди. Шунинг учун ҳам Нетанягу ва Обама учрашувига катта этибор берилган эди.