 Покистон НАТО га ўз шартларини билдирган
НАТО ҳужумлари Америка-Покистон алоқаларини совуқлаштириб юборган
Покистон ўтган ойда Афғонистон билан чегарада содир этилган НАТО ҳаво ҳужумидан ҳамон қаттиқ ғазабда.
Ҳужум оқибатида камида 20 хавфсизлик кучлари ходимлари ҳалок бўлган эди.
Бу ҳодиса Америка-Покистон алоқаларини янада совуқлаштириб юборган.
Покистон Америка ва НАТО учун чегаралари ёпиқлигини билдирган.
НАТО учун Покистон орқали қуруқлик йўли Афғонистондаги амалиётларни ўтқазишда жуда муҳим ҳисобланади.
Покистон ҳарбий раҳбарлари янги шартни , транзит йўл учун баҳони илгари суришган.
Улар шу пайтгача транзит йўлдан фойдаланиш оғзаки ва норасмий бўлганини айтишган.
Улар ёқилғи учун солиқни ,йўлдан ,портдан ва заҳиралардан фойдаланиш учун кетадиган харажатларни келишиб оладиган пайт келганини айтишган.
Бу йилига миллионлаб доллар дегани, дея таъкидлашган Покистон ҳарбийлари.
НАТО ҳаво ҳужумидан сўнг Покистоннинг ғарб, хусусан Америка билан муносабатлари Покистонда ўтадиган икки кунлик анжуманда муҳокама этилиши кутилмоқда.
Покистон Ташқи ишлар вазири раҳбарлигида ўтадиган анжуманда ўн иккидан ўн бештагача ғарб давлатлари элчилари қатнашиши айтилган.
Айни пайтда бир неча минг ёқилғи ортилган машина ва бошқа траспорт воситалари Покистоннинг турли жойларида қийин шароитларда тўхтаб тургани билдирилган.
Кейинги бир неча кунда Покистоннинг Белужистонида конвойга ҳужум қилинган.
Бир қанча траспорт воситалари ёндириб юборилган.Бошқалари пушка ва ракетадан ҳужумга тутилган.
Абдуллох: Пайғамбаримиз САВ хузурларида, бир қавм ўз оналарига уйланишлари хақида маълумот келди. Ўтирганлардан бири "менга 20минг тилло берилганида хам шу ишни қилмаган бўлар эдим" деди. Шунда Мухаммад САВ уни койиб "эй нодон, ундан кўпроқ беришса қилармидинг?" дедилар.
Мусулмонларни ишлари моддий манфаътлар билан ўлчанмайди.
Эй Покистон харбийлари, мусулмонларни устига кофирларга йўл очиб беришни, ўз онасига уйланишни хукмидан қанчалик фарқи бор?
Шу ишни сизлар қанча тиллога амалга оширган бўлар эдинглар?
Туркистон.
|
