Шундай қилиб Америка Араб Лигаси орқалиСурия режимига қўшимча муҳлат беришга қарор қилди
Мақсад то янги альтернатива пишиб етилгунга қадар бурежимнинг янада кўпроқ одамларни қирғин қилишидир!
Араб Лигаси 2011 йил 2 ноябр чоршанба куни кечқурун ўзининг Сурия хусусидаги ташаббуси доирасида янги қарорни чиқарди. Бу қарор бўйича Сурия режимига қўшимча икки ҳафта муҳлат берилади. Мақсад режимнинг янада кўпроқ қирғин, зўравонлик қилишига, инсонларни ўққа тутиб, барча нарсани вайрон қилишига имконият беришдир. Бу режим Аллоҳдан ҳам, Росули ва мўминлардан ҳам, ҳатто барча оқил инсонлардаги инсоний туйғулардан ҳам қўрқмай қирғинни амалга оширмоқда! Америка бу қарорни ҳали у чиқмасдан туриб мақтади. Чунки унинг чиқишини билган! Шунинг учун оқ уй вакили Карнидан 2011 йил 1 ноябрда Араб Лигасининг Сурия режимига нисбатан ташаббуси ҳақида сўралганида у бундай деди: «Биз халқаро жамоатчиликнинг Асад режимини бундай зўравонлик амалиётларини тўхтатишга кўндириш учун куч-ғайрат сарфлаётганини олқишлаймиз».
Лига ўз қарорини: зўравонлик амалиётлари қайси манбадан келиб чиқаётганидан қатъий назар уларни тўхтатиш, деган асоси йўқ гаплар билан чиқарди. Гўё қуролсиз одамлар қўлида замбараклар, ракеталар, танклар ёки ҳатто самолётлар бордек! Лига: шаҳарларни қуролли кўринишлардан бўшатиш, деган гапни ҳам қўшимча қилди, армия ҳақида эса чурқ этмади, унинг юрт ва одамларни ҳимоя қилиш вазифасига қайтиши тўғрисида ҳеч нарса демади. Режим ишга солаётган ғаламислар ҳақида, режимнинг югурдаклари ва жосуслари ҳақида ҳам чурқ этмади! Мақсад бу ерда бир неча қуролли кўринишлар бор деб уқтиришдир! Энг ёмони шунча нарсадан кейин ҳам бу лиганинг минглаб одамларни ўлдирган ва ўн минглаб одамларни мажруҳ қилган қотил режим билан сўзлашувга киришмоқчи бўлаётганидир!
Бу икки ҳафталик муҳлат беришдан олдин худди шу лиганинг 2011 йил 16 октябрдаги қарори билан бошқа бир муҳлат ҳам берилган эди. Булардан ҳам олдин лиганинг секретари Набил ал-Арабий 2011 йил 10 сентябрда Сурия режимини қўллаб-қувватлаш учун Сурияга сафар қилган эди! Буларнинг барчаси шу режим Араб Лигаси ташаббусларини ниқоб қилиб олиб амалга ошираётган қирғин амалиётларини янада авж олдирадиган қатор қадамлар доирасида бўлмоқда!
Араб Лигасининг ҳозирги қарори барбод бўлиши унинг ўз замирида ётибди. Чунки ундаги гапларнинг асоси йўқ, шунинг учун уни бажаришнинг иложи йўқ. У фақат режимга қўшимча муҳлат беради холос. Бу муҳлат ичида режим қонли қирғинларни янада кўпроқ амалга оширади. Бу қирғинлар гуноҳи шу режим ва унинг тўдаси бўйнига ҳамда Араб Лигасидаги анави арбоблар бўйнига тушади. Бу лига тўкилаётган шунча покиза қонларни кўрмаяпти ва ёрдам сўраб нидо қилаётган аёллар, болалар ва кексалар фарёдларини эшитмаяпти, золим тоғутга қарши бир оғиз ҳақ сўзни ҳам айтмаяпти
«Улар кар, соқов, кўрдирлар. Демак, тушунмайдилар»[Бақара 171]
Эй Сурия аҳли
Эй мусулмонлар
Сурия борасидаги ҳақиқат шуки, Америка бу режимга Ҳофиз Асаддан бошлаб Башар Асадгача ҳомийлик қилиб келди. Шу боис бу режим яҳуд давлати тинчлигини тўрт ўн йиллик давомида қўллаб-қувватлаб келди ва Американинг Ироқ, Ливан...даги манфаатларини рўёбга чиқариб берди. Бу режим ўзини «ҳимоячи қўрғон» деб атаб одамларни адаштириб келди. Аслида бу режим ҳеч қандай ҳимоячи эмас, бу шунчаки кўпиртирилган маъносиз шов-шув, холос, бу «кўпик» ёрилиб кетмоқда! Чунки яҳуд самолётлари бу режим бошлиғининг қасри устида учиб, унинг мамлакатидаги энг нозик, муҳим нуқталарни бомбардимон қилди, лекин бу режим ҳимоячи қўрғон бўлмади. Аксинча қўрқоқ ва ожиз бўлди. У одамларга қарши «шер»дир, урушларда эса «туяқуш»дир!
Америка бу кимсанинг ҳокимиятдан қулашини тушуниб етди. Америка одамларнинг қўзғолони натижаларидан, бу қўзғолон масжидлардан бошланганидан, унда янграётган такбир садоларидан қўрқмоқда. Бу такбир садолари мустамлакачи кофирлар юрагига қўрқув солмоқда... Америка бу ҳолат Аллоҳ ва Росулига холис ва содиқ бўладиган бошқарувга олиб келишидан қўрқмоқда. Шунинг учун у қулай деб турган режимга қайта-қайта муҳлат бермоқда. Мақсади шу муҳлат ичида ўзининг малайи Башар ўрнига ундан кўра камроқ бадбашара бўлган бошқа бир башарани алтерьнатива сифатида тайёрлаб олмоқчи...
Шунинг учун Араб Лигаси тили билан шу Америка қарори чиқди. Бу лиганинг секретарлари Қоҳирадаги лигага ўтишлари «картаси» америкача «карта» бўлишига одатланишган!
Эй Сурия аҳли
Эй мусулмонлар
Ҳизбут Таҳрир сизларга тўғри, ҳаққоний фикрни билдиради. Зеро етакчи ўз аҳлини алдамайди. Сизлар Аллоҳнинг душманларига ҳаргиз ишонманг. Бу душманлар мустамлакачи кофирлардан, Америка ва Европадан иборат бегоналар бўладими ёки ўзингизнинг орангиздан чиққан кимсалар бўладими, уларга асло суянманг. Ўзингизнинг орангиздан чиққан бу кимсалар сизга қарши Аллоҳ душманларига ёрдам беришмоқда. Яқинлар томонидан етган зулм янада аламлироқ бўлади... Золимга ишониб суяниш – у яқин бўладими ёки узоқми, ҳеч фарқсиз – дунёда расво бўлишга, охиратда эса катта азобга олиб боради.
Ғарб ва унинг югурдаклари зўр бериб тарқатаётган «ўзгариш фақат Ғарбнинг ёрдами билангина мумкин» деган гапларга ҳаргиз алданиб қолманг. Чунки бундай гаплар Ғарб тўқиб чиқарган бир сафсата бўлиб, ҳақни рўёбга чиқармайди. Сизлар Аллоҳга бўлган ихлосингиз билан, тинч интифозангиз ва аскарлардан иборат ҳур кишилар қўллаб-қувватлови билан бу тоғутни улоқтириб ташлаб, Аллоҳ шариатини ва рошид Халифаликни тиклашга қодирсизлар. Зеро сизлар Ислом диёрининг қоқ юрагида яшайсизлар. Росулуллоҳ A шундай дедилар:
«أَلاَ إِنَّ عُقْرَ دَارِ الْإِسْلاَمِ الشَّامُ»
«Огоҳ бўлингки, Ислом диёрининг қоқ юраги Шомдир». Демак у диёрнинг қандай ҳам яхши юрагидир! Шундай экан ҳақ устида собит туринглар, сабр қилинглар. Зеро нусрат бир соатлик сабрдадир. Яхшиликни умид қилиб хурсанд бўлинг. Чунки сизлар бу тоғутга қарши қўзғолонингизда катта масофани босиб ўтдингиз. Шундай экан Аллоҳ билан бирга бўлинг, шунда У сизларга нусрат беради.
