Собиқ мулозим: 'Ўзбекистонда коррупцияга қарши курашиш имконсиз'
Коррупция, айниқса ҳуқуқ-тартибот идораларида кенг тарқалган, деб ишонилади
"Эзгулик" инсон ҳуқуқлари жамияти Ўзбекистон Бош прокуратурасини собиқ юқори мартабали мулозимнинг коррупция борасидаги иддаоларини текширишга чақирган.
Гуруҳ тарқатган хабарда айтилишича, Тошкент шаҳар прокуратураси қошидаги Солиқ, валюта ва ноқонуний даромадларни легаллаштиришга қарши кураш департаменти бошлиғининг собиқ ўринбосари Ботир Хусаинов давлатга тегишли миллионлаб доллар маблағларнинг ўзлаштирилишини фош этиши ортидан ҳибсга олиниб, қамоққа ташланган.
Ҳозирда озодликка чиққан собиқ мулозим ўзига қарши таҳдидлар бўлаётганини айтган.
Унга кўра, давлат маблағларини ўзлаштирган ширкат Ўзбекистоннинг собиқ ички ишлар вазири ва яна икки номдор шахснинг ўғилларига тегишли бўлгани боис жиноий иш босди-босди қилинган.
Би-би-си билан суҳбатда Ботир Ҳусаинов Ўзбекистонда коррупцияга қарши курашишнинг қанчалик машаққатли экани ҳақида гапирди.
Туркистон: Ўзбекистонни молия тизими шу даражада коррупциялашганки, уни хатто Каримовнинг ўзи ҳам тартибга сола олмайди.
Негаки бу тизим, Каримов томонидан Ўзбек етакчи элитасига пора сифатида тортиқ қилинган. Асли коррупцияни боши шу ердан бошланган.
Четдан кираётган барча қўшма корхоналар, давлат томонидан белгиланган валюталар айрибошлаш нархлари билан, бозор бахоси ўртасидаги фарқни мавжудлигидан фойдаланиб, ишлаб чиқарган махсулотларидан бир неча ўн баробар ортиқ махаллий сўмни, давлат банкларидан халқаро валютага алмаштириб мумай даромадлар қўлга киритиб келишади.
Бу корхоналарни барчаси, Ўзбек етакчи елитасига боғланган ва улар билан хамкорлик қилишга мажбур.
Каримов эса, бу тизимларни ўз назоратида ушлаб туришга харакат қилади. Бунга мисол: бозор билан банклар ўртасидаги валюталар фарқини секин аста мувофиқлаштиришга харакат қилади. Яқиндаги Турк корхоналарини қувиб чиқариши. Уни бу тизимларни ўз назорати остида эканлигини эслатиб қўйишни мақсад қилган.