Таниқли имом Обидхон қори Назаров отиб кетилганидан сўнг,
АҚШ Давлат котиби ёрдамчиси Тошкентга келди
Обидхон қори НазаровЎзбекистоннинг энг танилган имомларидан саналади
Швециядан келаётган хабарларга кўра, чоршанба куни кечга яқин таниқли имом Обидхон қори Назаров жонига қасд қилинган.
Хабарларга кўра, Обидхон қори ҳозир касалхонада.
Обидхон қори Назаров Ўзбекистон ҳукуматининг мусулмонларга босимини очиқ ва кескин танқид қилиши билан танилган.
Ўзбекистон ҳукуматининг таъқиблари туфайли Обидхон қори Назаров бундан бир неча йил аввал мамлакатни тарк этишга мажбур бўлган.
Таниқли имом сўнгги йиллар Швецияда сиёсий бошпана олиб истиқомат қилади.
Кеча Ўзбекистон Ташқи ишлар вазирлигида АҚШнинг Афғонистон ва Покистон бўйича махсус вакили ўринбосари Элизабет Жонс бошчилигидаги делегация билан учрашув бўлиб ўтди.
Бу ҳақда хабар қилган Ўзбекистон Ташқи ишлар вазирлиги матбуот хизматига кўра, учрашувда Ўзбекистон-АҚШ ўртасидаги ўзаро муносабатлар билан боғлиқ долзарб масалалар муҳокама қилинган.
Шунингдек, минтақавий ва халқаро муаммолар борасида фикр алмашилган.
Кейинги пайтда Америка расмийларининг Ўзбекистонга серқатнов бўлаётгани кузатилмоқда.
Ўтган ҳафта охирида АҚШнинг (НҚКА) Наркотикларга қарши кураш агентлигининг Яқин Шарқ бўйича минтақавий директори Марк Дестито ва Тошкентдаги АҚШ элчихонасининг наркотикларга қарши кураш дастурлари бўйича идораси атташеси Кристофер Мелинк Ўзбекистон ИИВ расмийлари билан учрашган эди.
Туркистон: АҚШ Афғонистондан чиқиб кетиш амалиётларини мувоффақиятли амалга ошириб олмагунча, ўзини стротегик нуқталаридан бирига айланиб турган Ўзбекистон билан сиёсий хамкорлик олиб боради.
АҚШ Покистон билан муносабатларини хар қанча яхшиламасин, у йўналиш билан НАТОни хатто озиқ овқат билан таъминлаш масаласи, Толиблар билан олиб борилаётган музокараларга ва тинчлик битими келишилганида хам, Толибон кучларини унга амалда қандай риоя қилишларига боғлиқ бўлиб қолмоқда.
Хатто кўриб чиқилаётган, Россия орқали чиқиб кетиш масаласи хам унчалик ишончли эмас.
Негаки АҚШни ноқулай ахволда қолишлиги, яъни Толибон билан музокараларини бузилиши билан бир қаторда Ўзбекистон билан хам алоқаларини узилиб қолиши, Россияни фикрини ўзгартириб юбориши мумкин. Чунки АҚШ учун Россия Афғонистондан кўра кучлироқ душман.
Шунинг учун АҚШ Каримовни кўнглини овлаш мақсадида мусулмонларни каллаларини тақдим этишда давом этади.