Туркия харбий ҳаво кучлари Ироқ Курдистонига зарба берди.
Туркистон:
Туркия харбий ҳаво кучлари Шимолий Ироққа зарба берди. Таҳминларга кўра, у ерда курд қўзғолончилари яширинган. Бу ҳақда, турк Бош штаби баёнотига асосланиб, Agence France-Presse маълум қилади.
11 феврал кечида учоқлар, бехисоб ункурлар ва жангарилар яширина оладиган бошқа жойлар мавжуд бўлган, Заб ва Ҳакурк районларига ҳужум қилди. Турк учоқлари базага омон қайтишди. Бош штаб баёнотида қўзғолончилар орасидаги қурбонлар ҳақида хеч нарса айтилмаган.
Шимолий Ироқдан Курд жангарилари Туркияга ҳужумлар уюштиришлик учун база сифатида қўлланади. Улардан кўплари турк ерларида мустақил курд давлатини барпо қилишга уринаётган Курдистон ишчи партияси ғояларини қўллайди.
2011 йил октябрида Анқара сепаратистларга қарши, уларнинг базаларига мунтазам равишдаги хаво хужумларини ўз ичига олган, кенг миқёсли амалиётни бошлади. 29 декабрда турк хаво кучлари, адашиб, курдларнинг тинч ахолисига ҳужум уюштирган ва 35 кишини қурбон қилган. Бош вазир Ражаб Тойип Эрдоган, дархол, ҳарбийлар хатоси учун кечирим сўраган.