Ўш кўчаларида 'миллатчилик руҳидаги ёзувлар' пайдо бўлган
Ўшнинг ўзбек маҳаллаларида ҳануз зўравонликлар изларини кўриш мумкин
Қирғиз ҳуқуқ фаоллари Ўшнинг ўзбек маҳаллаларида миллатчилик руҳидаги ёзув ва белгиларнинг пайдо бўлганидан хавотир билдиришган.
КирТАГ хабар агентлигининг Инсон ҳуқуқлари адвокатлик маркази эксперти Нурбек Исмоиловга таяниб хабар беришича, янги йилдан кейин бирданига Ўшнинг уч маҳалласида ана шундай ёзувлар пайдо бўлган.
Ҳуқуқ фаолининг айтишича, улардан бири 2010 йилдаги этник зўравонликлардан энг кўп жабр кўрган "Черемушки" маҳалласи яқинидаги ҳарбий қисм девори, қолган иккитаси эса кимга тегишли экани айтилмаган уйлардан бири ҳамда Бобур номли Ўш драма театри биноси деворида пайдо бўлган.
"Таҳдид оҳангидаги граффити бўёқ билан ёзилган", - деб айтган қирғиз эксперти.
У маҳаллий ўзбеклардан бирининг ушбу ёзувлар ўзларини қўрқитгани ҳақидаги сўзларини келтиради.
Ўшлик инсон ҳуқуқлари фаоли Равшан Гапировга кўра, ўзбек маҳаллаларида қўрқув ҳисси кучайган.
Унинг айтишича, янги йил арафасида Қорасувда ўтган мактаблараро эркин кураш бўйича мусобақа чоғида ўзбек миллатига мансуб ёш спортчилар ва тренерлар номаълум шахслар томонидан дўппосланган.
Ҳодиса жойига етиб келган Қорасув ҳокими Аҳмад Полвон Раҳимов ва маҳаллий милиция бошлиғи ҳужумчиларни тўхтата олишмаган.
Ўзбек фаоли янги йил арафасида юз берган ҳодиса тафсилотлари ҳақида гапириб берди.
Сайфуллох: Қирғизистон хукумати, хокимиятга ғирромлик, айёрлик ва миллатлар аро низо пайдо қилиш каби ифлос йўллар билан келиб олди. Энди улар шуни хаққини тўламасдан иложлари йўқ.
Хокимиятдаги етакчи гурухга, бу ифлосгарчиликларида асосий ёрдам берган Қ Ботиров ва уни гурухи Ўзбекларни назорат қилиб берган эди. Қирғизларни миллатчилик рухидан фойдаланиб у лидерларни таг томири билан тозалаб олищга муваффақ бўлдилар.
Лекин қирғиз миллатчиларини лидерлари эса, хокимиятни назоратидан деярли чиқиб, хатто улар хозирда кучли мухолиф кучларга айланиб қолмоқдалар. Хокимиятни буларга қуввати етмайди.
Буни хис қилиб турган қирғиз миллатчи гурухи, ўзбекларни хокимиятга босим ўтказиш воситаси қилиб олмоқдалар. Атамбоевчилар гурухи эса, ўзбекларни сайловга қатнашишлари учун уларни ўз химоясида деб эълон қилиб олиб, энди бунга қуввати етмаётганлигидан, миллатчиларни бирин кетин хокимият креслоларига ўтиргизмоқда. Бу гурух худди Ботировни сотганларидагидек, энди бутун ўзбек миллатини хам уларга ўзларини янги етакчи қилиб кўрсатмоқчи бўлган қаланғир қасанғир қолдиқларни сиёсий гумрохликларидан қилган хатолари оқибатидан сотиб юбориши мумкин бўлиб турибди.
Лекин бу етакчи гурухни ўзи хам, бахорда кутилаётган норозиликларни бартараф этиш мақсадида, яна миллатчиликдан фойдаланиши мумкин деган хавотирлар хам йўқ эмас. Хозирча бу гурух томонидан хар хил вариянтлар ўрганиб чиқилмоқда. Яъни миллатчиликни назорат қилишлари мумкин бўлган тўқнашувларини уюштириш, ёки яна диний экстремизм вахимасини пайдо қилиб вазийятни қуролли кучлар назоратига олиб бериш, шунинг билан халқни диққат эътиборларини чалғитишга уриноқдалар.
Хар қайси холат хам ўта кескин ва хавфли.
Туркистон.