20 зул-ҳижжа 1432ҳ 16 ноябр 2011м Матбуот баёноти Австралиядаги мусулмонлар Обаманинг Ислом оламига нисбатан сиёсатини қораламоқдалар Бугун аср вақтида Америка президенти Барак Обама ўзининг йигирма саккиз соатли Австралия сафари мобайнида Канберрага келади. Австралия федерал парламентида ҳамда эртага Дарвин шаҳрида қиладиган нутқида Американинг Тинч Океани минтақалари ва Осиё қитъаларидаги ташқи сиёсатининг янги йўналишлари, Австралия ва Қўшма Штатлар ўртасида ҳарбий ҳамкорликни мустаҳкамлашга қаратилган ҳаракатлари ҳақида сўзлаши кутилмоқда. Шундан сўнг у Шарқий Осиё мамлакатларининг олий даражадаги саммитида иштирок этиш учун Индонезияга йўл олади. Ҳизбут Таҳрир унинг айни ташрифига нисбатан қуйидагиларга ойдинлик киритади: Президент Обама ўзгартириш ва орзуларни рўёбга чиқариш тўғрисидаги ўзининг жимжимадор сўзларини ишга солиб келди. Бироқ у ҳокимиятга эришгандан кейин ноумидликдан ўзга нарса олиб келмади, хусусан, Американинг Ислом дунёсига нисбатан сиёсати борасида ўзидан аввалги президентлар юрган йўлдан четга чиқмади, унинг президентлик даври билан ундан олдинги президентлар даври ўртасида ҳеч қандай фарқ йўқ. Обаманинг оғзидан чиққан «асал»дек сўзларга у содир этган душманона ва бузғунчи хатти-ҳаракатларидан бошқа нарса билан хулоса қилиб бўлмайди. У 2009 йил июнда Қоҳирада сўзлаган нутқида бундай деганди: «Мен сизларнинг олдингизга Қўшма Штатлар билан дунё мусулмонлари ўртасидаги янги ташаббусни бошлаш учун келдим. Бу ташаббус ўзаро ҳурмат ва ҳамкорлик манфаатларига асосланади». Бироқ ўша «янги ташаббус»нинг амалдаги воқеи Американинг Туркия, Покистон, Судан каби мусулмонлар юртлари ишларига очиқдан-очиқ аралашиб, улардан фойдаланаётганида ҳамда Саудия қироли Абдуллоҳ сингари тоғутларни тўхтовсиз қўллаб-қувватлаётганида намоён бўлди. Биз жаноб Обамага шуни эслатиб қўймоқчимизки, мусулмонлар, жумладан, Австралия мусулмонлари кўзлари унинг хатти-ҳаракатларидан кўр эмас, унинг сўзларига алданмайдилар, унинг сиёсати туфайли Афғонистонда қонлар дарё бўлиб оқаётганига, улкан мусибатлар етказилаётганига аллақачон гувоҳ бўлганлар. Шунингдек, улар Обама маъмурияти Карзай ва Зардорий каби малай ва коррупциячи режимлар ёрдамида исломий юртлардан Америка манфаатлари йўлида фойдаланаётганини ҳам гувоҳи бўлдилар. Ҳусни Муборак каби кимсаларнинг бир неча ўнлаб йиллар давомида ўлкаларимизни жаҳаннамга айлантирганини ўз кўзлари билан кўрдилар. Кейин биз ўзгартириш учун Миср халқи қўзғолон кўтарган пайтда унинг мунофиқларча Муборакни рад этганини кўрдик. Шу билан бирга, ноқонуний «Исроил» давлатини мутлақ қўллаб-қувватлаб, Фаластин мусулмонларига қарши репрессив сиёсат олиб борганини ҳам кўрдик. Ҳа, Австралия мусулмонлари шуларнинг ҳаммасини гувоҳи бўлдилар ва мусулмонларга нисбатан Америка ташқи сиёсатига қатъан норозидирлар. Дарҳақиқат, мусулмонларнинг Обамага қарши норозиликлари яққол кўзга ташланди. Ушбу ўн минглаб мусулмонлар ўз норозиликларини Обаманинг Индонезияга кутилаётган ташрифига қарши намойишлар ўтказиш билан кўрсатдилар. Обама шу ҳафтада Индонезияга етиб келган чоғида ҳам Ислом дунёсидаги унинг сиёсатлари тўғрисида мусулмонларнинг очиқ-ойдин фикрлар билдириш билан уни қандай «олқишлашлари»ни ўз кўзи билан гувоҳи бўлади. Биз президент Обамага ўз юртида бўлаётган ишларга жиддийроқ қарашини тавсия қиламиз. Чунки бугун Америка сурункали бўҳронларга дуч келмоқда: унинг ижтимоий вазияти худди бир оз туртки билан портлаб кетиш арафасида турган порохли бочкага ўхшаб турибди, иқтисодий жиҳатдан Америка пешонасида парчаланиш доғи бўлиб, у жуда улкан қарзлар юки остида қолди, ҳарбий жиҳатдан Афғонистондаги шармандалик уни бутунлай хор қилди, сиёсий жиҳатдан эса, ожизликка юз тутиб, кулгили аҳволда қолди. Мана шундай воқеий ҳақиқат қаршисида ҳақиқий сиёсатчилар хусусан, Ислом дунёсига нисбатан империалистик ташқи сиёсат йўналиши оқибатларини диққат билан ўрганмоқлари лозим. Чунки бугун ўзгартириш томон йўналиш аломатлари ҳар қандай ақли расо инсонга очиқ кўриниб турибди. Австралия сиёсатини тузувчилар Қўшма Штатлар билан бўлган ўз алоқаларини қайта кўриб чиқишлари лозим. Ким Бизли сўзларига кўра, Австралиянинг афғон урушида доимий қатнашиши Обама туйғуларига ҳамоҳанг келаётган эмиш. Бироқ бундай қатнашиш Австралия ва дунёнинг бошқа ерларидаги миллионлаб шахслар қалбида нафрат уйғотмоқда. Бугун Қўшма Штатлар бир томондан ички бўҳрон, иккинчи томондан, ўзининг маънавий нуфузини йўқотмоқда... Абу Ғурайб, Баграм борасида шарманда бўлди... Ироқ ва Афғонистонда кўплаб ваҳшийликлар содир этиб, қийноқлар қўллаётгани, алоқа воситалари билан ўзаро чамбарчас боғлиқ олам олдида ҳамон фош бўлмоқда... Наҳотки Австралия шунча ишлардан кейин ҳам жамоатчилик ғазабига қарши курашда зўр бериб Қўшма Штатлар томонида туришга уринаверади?!
