АҚШ Жанубий – Шарқий Осиёда химоянинг янги мавқеини эгалламоқда.

Туркистон: АҚШ ва Филиппин ҳарбий ҳамкорликни кучайтиришликни мухокама қилишмоқда, деб маълум қилади AFP америкалик амалдорларнинг сўзларига кўра.
АҚШ давлат котибининг ёрдамчиси Курт Кемпбелл ва мудофаа вазири ёрдамчиси вазифаларини вақтинча ўтовчи Питер Лавой пайшанба куни Филиппин ташқи ишлар вазири Ерлинда Базилио ва мудофаа взири ўринбосари Пио Лоренцо Батино билан учрашган.
АҚШ Филиппин, Сингапур, Австралия билан ҳарбий ҳамкорликни кучайтиришни режалаштирмоқда. «Хитой қувватининг кучайишлиги хавотирга солиб қўйган ҳарбий иттифоқдошларини тинчлантиришлик учун» АҚШ Жанубий – Шарқий Осиёда ҳимоянинг янги мавқеини эгалламоқда.
Аввалроқ президент Барак Обама идораси ҳарбий йўналишни Ироқ ва Афғонистондан Осиёга қаратишликни мақсад қилган янги мудофаа стратегиясини қабул қилди.
Қўшма Штатлар охирги вақтларда Пекин билан Жанубий – Шарқий Осиё мамлакатлари ўртасидаги худудий келишмовчиликлар сабабли кескинлик ортиб бораётган Жанубий Хитой денгизида кемаларнинг эркин харакатини химоя қилишлик хақида овозининг борича гапирмоқда.