Halifalik davlati qanday qulatilgan to'grisida hujjatli filmlar 1-6qism Халифалик давлати қандай қулатилган тўғрисида хужжатли фильмлар 1-6 қисм
Главная » 2011»Ноябрь»21 » Мисрда намойишчилар билан полиция тўқнашувида камида икки инсон ҳалок бўлган
09:07
Мисрда намойишчилар билан полиция тўқнашувида камида икки инсон ҳалок бўлган
Мисрда намойишчилар билан полиция тўқнашувида камида икки инсон ҳалок бўлган
Муқобил медиа плейерда ўйналсинми Мисрда мамлакат бошқарувини Қуролли кучлар Олий кенгашидан фуқаровий ҳукуматга топширишни талаб қилаётган намойишчилар билан полиция ўртасидаги тўқнашувлар иккинчи кун давом этган.
Пойтахт Қоҳиранинг Таҳрир майдони яқинида Ички ишлар вазирлиги биносини ҳимоя қилаётган полиция кучларига қарши намойишчилар тошлар отганлар, полиция кўздан ёш сиздирадиган газ қўллаган, резина ўқларни ишга солган.
Шанбадан якшанбага ўтар тунида юз берган тўқнашувларда икки киши ҳалок бўлган, юзлаб одамлар яраланган.
Ушбу зўравонликлар Мисрда мўлжалланган парламент сайловларидан бир ҳафта олдин рўй берган ва шу йил февралида мамлакатни узоқ йиллар давомида бошқариб келган Ҳусни Муборак қудратдан ағдарилганидан кейин келиб чиққан энг йирик норозилик намойишлари бўлган.
Мисрдаги биринчи эркин сайловлар деб кутилаётган парламент сайловлари 28 ноябр кунига мўлжалланган.
Намойишчилар Қоҳира ва Александрия шаҳарларида полиция билан тўқнашган.
Бир киши Қоҳирада, яна бир инсон Александрия шаҳрида ҳалок бўлгани хабар қилинган.
Якшанба куни ҳам пойтахтда тўқнашувлар кузатилган.
Мухбирларга кўра, Таҳрир майдонида ҳамон 5000 атрофида намойишчи тарқалмасдан туришипти, улар ўз талаблари бажарилмагунича майдонни тарк этмасликлари ҳақида айтишган.
Кўплаб мисрликлар айтишларича, улар Ҳусни Муборак ҳокимиятдан четлатилганидан тўққиз ой ўтиб ҳам ҳамон мамлакатни армия бошқараётганидан ва Миср полицияси намойишчиларга қарши қўллаётган қаттиққўл усуллардан ғазабдалар.
Абдуллох: Қизиқ буларни баёнотлари бўйича, Миср халқи демократиж жараён бўйлаб, хокимиятни шакллантиришни талаб қилиб чиқсалару, худди шу кунларни кутиб юрган халқаро сиёсат етакчилари Мисрни вақтинча эгаллаб турган ўз муритларига уларни қайтаришларига рухсат берармиди? Бу ерларда аслида қўзғалонларда хокимият талаб қилинаётган бўлсада, лекин уларни системаси асосидагисини эмас, балки исломий система асосидаги давлатни талаб килишаётганлиги яширинилмоқда. Акс холда уларга қарши бунчалик қаттиқ турилмаган бўлар эди. Худди шундай холатлар, Сирия, Иордания, Тунис, Ливия, умуман араб ўлкаларида рўй бераётган барча норозилик чиқишларга қарши олиб борилаётгани кузатилмоқда. Бу эса албатта эртами кеч мусулмонларни талабларини амалга оширилиши билан нихоясига етиши аниқ. Негаки энди бу халқ Исломдан бошқасига унамаслиги аниқ.
