Келаси йил сайлови натижасида Оқ уйга келадиган маъмурият Обама маъмурияти Каримовга нисбатан юритаётган сиёсати оқибатлари билан юзма-юз қолади, дейди таҳлилчи Э. Стролайн. АҚШнинг Ўзбекистон билан муносабатларни яхшилашга уринаётгани Америка матбуотида муҳокама қилинмоқда. 22-23 октябр кунлари АҚШ Давлат котиби Ҳиллари Клинтоннинг Тошкентга келгани ана шу ҳаракатларнинг бир қисми дея кўрилмоқда. Покистон билан муносабатлари кун сайин ёмонлашиб бораётганидан кўрилаётган зарарни Вашингтон Тошкент билан алоқаларни яхшилаш ҳисобига қопламоқда, деб ёзди Бўҳронларни ўрганиш халақаро гуруҳининг жамоатчилик билан алоқалар дастури директори Эндрю Стролайн CNN телеканали вэб-саҳифасида.
